హైదరాబాద్: చుక్కా రామయ్య శతజయంతి తెలంగాణకు, రాష్ట్ర విద్యారంగానికి చారిత్రక ఘట్టమని ముఖ్యమంత్రి ఎ. రేవంత్ రెడ్డి అభివర్ణించారు. ప్రముఖ విద్యావేత్త, మాజీ ఎమ్మెల్సీ నూరేళ్ల జీవితం, సామాజిక మార్పునకు ఆయన చేసిన కృషి రాష్ట్రానికి గర్వకారణమని పేర్కొన్నారు.
స్వాతంత్ర్య పోరాటంలో, తెలంగాణ ఉద్యమంలో రామయ్య పాల్గొన్నారని సీఎం గుర్తుచేశారు. ఐఐటీల భావనను ఈ ప్రాంత విద్యార్థులకు పరిచయం చేసింది ఆయనేనని చెప్పారు. శాసనమండలి సభ్యుడిగానూ చెరగని ముద్ర వేశారన్నారు.
చుక్కా రామయ్య శతజయంతి: నిర్మాణాత్మక సూచనల నేత
ఎమ్మెల్సీగా రామయ్య, ప్రొఫెసర్ నాగేశ్వర్తో కలిసి పనిచేయడం తనకు గౌరవమని రేవంత్ రెడ్డి అన్నారు. సామాజిక సమస్యలపై పదునైన ప్రశ్నలు వేస్తూనే ఆచరణాత్మక పరిష్కారాలు సూచించేవారని తెలిపారు. సమస్యల పరిష్కారంపై నేతలు దృష్టి పెట్టాలన్నారు.
పార్టీ బలంతో సంబంధం లేకుండా వీరికి మండలిలో అవకాశమిచ్చామని, అవిభక్త రంగారెడ్డి జిల్లాలో డిగ్రీ కళాశాలల లేమిని లేవనెత్తగా ప్రభుత్వం నిర్ణయం తీసుకుందని చెప్పారు. రామయ్య సలహాలను పరిగణనలోకి తీసుకుని ముందుకెళ్తామని, ఆయన ఆరోగ్యంగా ఉండాలని ఆకాంక్షించారు.
