హైదరాబాద్: ఉర్దూ జర్నలిస్టుల సంక్షేమ నిధి ఏర్పాటు చేయాలని సంతాప సభలో వక్తలు ప్రతిపాదించారు. వైద్య, ఆర్థిక అత్యవసర సమయాల్లో జర్నలిస్టులకు, వారి కుటుంబాలకు ఆసరా కోసం ఈ నిధి అవసరమన్నారు. తెలంగాణ ఉర్దూ వర్కింగ్ జర్నలిస్ట్స్ ఫెడరేషన్ నవంబర్ 21న మీడియా ప్లస్ ఆడిటోరియంలో ఈ సభను నిర్వహించింది.
ఆదిల్ అహ్మద్ ఖాన్, మౌలానా సయ్యద్ ఆరిఫ్ షర్ఫీ, మహబూబ్నగర్కు చెందిన ములా షహాబుద్దీన్ మృతికి నివాళులు అర్పించారు. ఫెడరేషన్ అధ్యక్షుడు ఎం.ఏ. మజీద్ అధ్యక్షత వహించారు. ప్రొఫెసర్ ఎస్.ఏ. షుకూర్ ముఖ్య అతిథిగా పాల్గొన్నారు.
ఉర్దూ జర్నలిస్టుల సంక్షేమ నిధి స్వరూపం
జర్నలిస్టులు విరాళాలు సేకరించి బ్యాంకులో జమ చేయాలని, దాని వడ్డీతో అత్యవసర సాయం అందించవచ్చని వక్తలు సూచించారు. ఉర్దూ అకాడమీ కూడా ప్రత్యేక నిధి కేటాయించాలని కోరారు.
ప్రభుత్వ సాయంపైనే ఆధారపడకుండా జర్నలిస్టులు తమ కుటుంబాలకు ఆరోగ్య బీమా తీసుకోవాలని సూచించారు. మృతుల కుటుంబాలకు తోటి జర్నలిస్టులు అండగా ఉంటారని భరోసా ఇచ్చారు.
